ಸಂಸ್ಥಾಪನ ದಿನಾಚರಣೆ

ದಿನಾಂಕ 12/07/2025 ಶನಿವಾರದಂದು ಬೆಥನಿ CBSE ಮತ್ತು ರೋಸಾ ಮಿಸ್ತಿಕಾ ಸಮೂಹ ಸಂಸ್ಥೆಗಳು ಒಂದಾಗಿ ಸೇರಿ ರೋಸಾ ಮಿಸ್ತಿಕಾ ಶಿಕ್ಷಕಿಯರ ತರಬೇತಿ ಸಂಸ್ಥೆಯ ಸಭಾಂಗಣದಲ್ಲಿ 2025-2026ನೇ ಶೈಕ್ಷಣಿಕ ಸಾಲಿನ ಬೆಥನಿ ಸಂಸ್ಥಾಪನಾ ದಿನಾಚರಣೆಯನ್ನು ವಿಜೃಂಭನೆಯಿಂದ ಆಚರಿಸಲಾಯಿತು.        ರೋಸಾ ಮಿಸ್ತಿಕಾ ಶಿಕ್ಷಕಿ ತರಬೇತಿ ಸಂಸ್ಥೆಯ ಸಿಬ್ಬಂದಿ ವರ್ಗಾದವರಿಂದ ಪ್ರಾರ್ಥನ ವಿಧಿ,ಈ ದಿನದ ಮಹತ್ವವನ್ನು ಸಾರುವ ಸ್ವರಚಿತ ಶುಭಾಶಯ ಗೀತೆ ಮತ್ತು ಮನರಂಜನಾ ಆಟಗಳನ್ನು ನೆರವೇರಿಸಲಾಯಿತು.ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಮಂಗಳೂರು ಪ್ರಾಂತ್ಯದ ಪ್ರಾಂತ್ಯಧಿಕರಿಣಿಯ ಸಲಹೆಗಾರರು ವಂ.ಭ.ಡೊನಾ ಸಾಂಕ್ತಿಸ್ ರವರು ವಹಿಸಿ ಬೆಥನಿ ಸಂಸ್ಥೆಯ ಸಂಸ್ಥಾಪಕರು ದೇವರ ಸೇವಕ ಆರ್ೆಫ್.ಸಿ ಮಸ್ಕರೇನಸ್ರವರ ದೂರದೃಷ್ಟಿತ್ವ ಮತ್ತು ಅವರ ಉದ್ಧಾತ ಚಿಂತನೆಯ ಮೂಲಕ ಶಿಕ್ಷಕರಾದ ನಾವು ನಮ್ಮ ಬೋಧನೆಯಲ್ಲಿ ಅವರ ಆರ್ದಶಗಳನ್ನು ಅಳವಡಿಸಿ ವಿದ್ಯಾರ್ಥಿಗಳನ್ನು ಉತ್ತಮ ಪ್ರಜೆಗಳನ್ನಾಗಿ ರೂಪಿಸೋಣ ಎಂಬುದಾಗಿ ಕಿವಿ ಮಾತು ನೀಡಿ ಸಂಸ್ಥಾಪನ ದಿನಕ್ಕೆ ಶುಭ ಹಾರೈಸಿದರು.ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ರೋಸಾ ಮಿಸ್ತಿಕಾ ಕಾನ್ವೆಂಟಿನ ಮುಖ್ಯಸ್ಥೆ ವಂ.ಭ.ಲೀನಾ ಪಿರೇರಾ ,ರೋಸಾ ಮಿಸ್ತಿಕಾ ಸಮೂಹ ಸಂಸ್ಥೆಗಳ ಸಂಚಲಕರಾದ ವಂ.ಭ.ರೋಸ್‌ ಲೀಟರವರು ಉಪಸ್ಥಿತರಿದ್ದರು.ಅಂತೆಯೇ ಎಲ್ಲಾ ಸಂಸ್ಥೆಗಳ ಮುಖ್ಯಸ್ಥರು,ಶಿಕ್ಷಕ ಹಾಗೂ ಶಿಕ್ಷಕೇತರ ವೃಂದದವರು ಉಪಸ್ಥಿತರಿದ್ದರು.ರೋಸಾ ಮಿಸ್ತಿಕಾ ಶಿಕ್ಷಕಿಯರ ತರಬೇತಿ ಸಂಸ್ಥೆಯ ಉಪನ್ಯಾಸಕಿ ಶ್ರೀಮತಿ ಜಾಸ್ಮಿನ್‌ ಮೊರಾಸ್‌ ರವರು ನೆರೆದ ಸರ್ವರನ್ನು  ಸ್ವಾಗತಿಸಿದರು.ಉಪನ್ಯಾಸಕಿ ವೀಣಾ ಬೆನ್ನಿಸ್ ರವರು ವಂದಿಸಿದರು.ಶ್ರೀಯುತ ರೋನಾಲ್ಡ್‌ ಕಾರ್ಲೊ ಕಾರ್ಯಕ್ರಮವನ್ನು ನಿರ್ವಹಿಸಿದರು.ಕಾರ್ಯಕ್ರಮವನ್ನು ಸಹಬೋಜನದೊಂದಿಗೆ ಕೊನೆಗೊಳಿಸಲಾಯಿತು.ರೋಸಾ ಮಿಸ್ತಿಕಾ ಕಾನ್ವೆಂಟಿನ ಮುಖ್ಯಸ್ಥರಾದ ವಂ.ಭ.ಲೀನಾ ಪಿರೇರಾದವರು ಬೋಜನದ ಮೇಲೆ ಆಶೀರ್ವಾಚನೆಗೈದರು.